Ekstra: Teater i Nygårdsparken, fredag 6.juni kl.18:30: "Det suser i sivet"

Det er duka for storslått piknik i dyreriket! 

Møt den forsiktige Moldvarp, den sjølvsikre Rotta, gamle Herr Grevling og den heilsprø småkongen Padda. Opplev ein dag som skulle starte så flott og roleg, men som fort vert farga av Paddas fart, sprell og heilsprø påfunn!

Vi inviterar inn i universet til “Det suser i sivet”, den britiske barnebok klassikaren av Kenneth Grahame, og byr på ei morosam og koseleg utandørs teateroppleving for store og små.

Passar frå 3-8 år

Varigheit: ca. 1 time

Oppmøte: ved kaféen i øvre del av Nygårdsparken.

Framsyning kl.16:30 og 18:30

Alt foregår utandørs, så hugs å kle deg og dine etter véret. 

På slutten av stykket inviterar vi publikum på piknik saman med oss, ta gjerne med noko smått å ete og drikke til dette. 

"Betal det du kan": Vi i Eventyr i Parken jobbar for å kunne vere eit tilgjengeleg og lavterskel tilbod, som alle skal ha moglegheit til å delta på. Vi har difor "betal det du kan" prisar, for å nå breidt ut. Vi meiner kunst og kultur skal vere tilgjengeleg for alle - du betaler difor det du har moglegheit til. Ynskjer du å støtte arbeidet vårt litt ekstra set vi stor pris på det. Vi takkar alle våre sponsorar som gjer det mogleg for oss å tilby så rimelege prisar som mogleg!

Løst basert på boka av: Kenneth Grahame

Dramatisert av: Eventyr i Parken, Tora Troe, Adele Duus

Regissør: Adele Lærum Duus

Idè, scenografi og kostymedesign: Tora Troe

Skodespelarar: Kristian Garmanslund, Kristine Alida Netteland, Thomas B. Brandt, Stine Svellingen

Musikalsk ansvarleg: Elise Nonseid

Produsent: Stine Svellingen

PR-ansvarleg- og manusbidrag: Lina Taule Fjørtoft

Kostymeassistent: Signe Duus, Kari Anne Rasmussen

Rekvisitør: Thomas B. Brandt

Musikalsk medhjelper: Kaja Linder Henriksen

Støtta av: Kulturdirektoratet, Bergen kommune, Grieg foundation,  Kulturtanken, Fond for utøvende kunstnere (FFUK), Westfal Larsen Allmennyttige Fond og Bergen Teater og Dramatiske selskap A/S.

Eventyr i Parken er eit Bergensbasert teaterkompani som sidan 2018 har jobba med å skape unike teateropplevingar for barn og unge ute i naturen. I 2021 vart kompaniet nominert til “Bergens beste barneoppleving” i BT, og i 2023 mottok kompaniet Bergen Teaterforenings pris "Rampeløkten" for sitt nyskapande arbeid. Eventyr i Parken inviterar no liten og stor ut, og inn i vår skogsverd for å sjå ting ikring oss, på ein heilt ny måte. Meir om Eventyr i Parken: www.eventyriparken.no